психотрилер

Сенки на полноќ

Матица (2016)

Достапност: Книгата може да се најде само во библиотеките ширум Македонија

Тој - успешен адвокат. Таа - роб на сопствената судбина. Нејзиниот најголем страв е да ја стигне она од кое најмногу се плаши. Тие се љубат. Не можат еден без друг. Но, не можат и еден со друг. И пресвртот се случува ноќта, кога ништо не е како порано. Тој се плаши да се разбуди, оти неговите стравови ќе станат реалност. Тој се бори со своите демони, а таа стравува да не го дочека утрото. Тогаш, неговите очи се отвораат. И утрото, тој сфаќа - неа ја нема. Неговиот живот доживува пресврт кога тој сфаќа дека нема избор, освен да се помири дека неа никогаш нема да ја врати. Сфаќа дека иако ја љуби, треба да се откаже од неа, ама подоцна и од самиот себе. А потоа...

психотрилер

Соба 610

Култура (2021) / Антолог (2025)

Достапност: Достапна на Антолог.мк

Колку може еден човечки ум да биде непредвидлив? Непозната жена го пријавува нејзиниот сопруг за исчезнат, по изминати триесет часа. Прочуениот инспектор во Верона, почнува да работи на случајот, но никој не го предупредува од неочекуваното, сè додека полицаецот Пелегрини не му каже дека таа жена е многу добро позната на полицијата. По нејзиното заминување од станицата, градот на љубовта, преку ноќ се претвора во градот на измамата, скриените тајни, манипулирањето со потсвеста. Мистериозното исчезнување на нејзиниот сопруг достигнува напрегнат психолошки пресврт кој си игра со здравиот разум на секој лик во приказната, a најмногу со нејзиниот. На крајот, колку ќе го чини злосторникот, ако биде жртва на сопствениот хаос?

историска фикција, психотрилер

Татко ми, Босфор

Антолог (2022)

Достапност: Антолог.мк

На самиот крај од XIX век и почетокот на XXI век, некаде помеѓу современиот свет и почетокот на падот на Oсманлиската држава, се случуваат две, навидум различни приказни. Камила Џалал е посветена детективка која ќе го преврти Истанбул за да ја најде причината за смртта на нејзиниот сопруг. Но, Камила Џалал е и девојка која по низа несреќни случаи во нејзиниот живот почнува да станува блиска со луѓето околу султанот во сарајот Јилдиз. Додека се приближува крајот на династијата и соборувањето на султанот Абдулхамид од престолот, на другата страна од времето, Босфор трага да го најде чудовиштето зад серија убиства коишто ја згаснаа светлината на градот. Што имаат заедничко девојките со исто име?

психотрилер, историска фикција

Седум часот и педесет минути

Антолог (2024)

Достапност: Антолог.мк

Асли е сопруга на Иштар Азим, очајна да се оствари во улога на мајка. Иштар сè уште не може да ја преболи смртта на сестра му, така што нејзиниот дух е причината за нивниот нарушен брак. Тој е сега препознаен од цела земја и пошироко. Неговата единствена издадена книга, ги руши рекордите на читаност. Неочекувано, пред да настапи зимата, во седум часот и педесет минути, Истанбул го засенува најголемата трагедија во историјата. Додека владата се обидува да го спаси градот од пепелта, почнуваат да се навраќаат прашања од минатото. Вистината за мртвиот Осман Џалал, деталите во објавениот роман, исчезнувањето на девојките од брегот и една од најдлабоко закопаните тајни во подземјето на Византион. Седум часот и педесет минути е продолжение, со испреплетени два поларитети на градот – истанбулската елита и дупката на Мраморното море од каде што се раѓа трговијата со органи. Како и тајната реликвија на Ватикан, стара илјадници години, покриена со брановите на Босфорот. Богато разјаснувачко завршување на митот за Камила Џалал, кое само по себе отвора историски прашања на кои овој роман има деликатен одговор.

историска фикција, психотрилер

Babam Boğaziçi

Karina Yayınevi (2022)

Достапност: Достапна онлајн на DR.com.tr и Amazon.co.uk. Турско издание достапно само онлајн во Турција.

Babam Boğaziçi Kitap Açıklaması Biri 19. Yüzyılın sonlarına doğru, diğeri 21. Yüzyılın başlarında, Osmanlı Devleti’nin sona ermesi ile çağdaş dünyanın yaşanmakta olduğu zamanlarda, ilk bakışta farklı görünen iki ayrı hikâye yaşanmaktadır. İşine bağlı bir dedektif olan Kamila Calal, rahmetli eşinin ölüm nedenini araştırıp aydınlatmak amacıyla İstanbul’u âdeta karış karış dolaşacak, araştırılmayan tek bir semt, tek bir yer bırakmayacaktır. Kamila Calal yine, hayatında meydana gelen sayısız olumsuz olay neticesinde İstanbul Yıldız Sarayında Osmanlı Sultanının etrafında bulunan önemli kişilerle samimiyet kurmaya başlamış genç bir kız olarak karşımıza çıkmaktadır. Saltanatın sonu yaklaşmış, Sultan Abdülhamid Han Hazretleri’nin tahttan indirilmesi yaklaşmaktadır. Diğer yandan, başka bir zaman diliminde Boğaziçi, koskocaman şehrin ışıklarının sönmesine sebep olan ve İstanbul’u karanlığa mahkûm eden seri cinayetlerin katilinin peşine düşmüş vaziyette. Aynı adı taşımakta olan iki genç kadın arasındaki ortak nokta nedir?